最近大行（Dahon）單車， 作全球回收有問題的單車。
http://www.dahon.com/recallinfo/tw.htm
好奇怪地台彎大行代理話豎管有問題， 但英文官網又話係，Handlebar問題，
香港代理又要下星期五先公告天下（真係慢人一步，理想達到）。 咁唔好彩在下是大陸
水貨版P8呢個孤兒仔， 都唔知點算！ 真係黑仔。 黑開有條路， 唯有靠自己啦， 不停
找有關國際版同大陸版的分別， 因為網上面說大陸版P8比國際版貴幾百， 真奇怪！

比較過早幾日二世祖剛買部國際版P8， 手波腳波，BREAK線，HUB，LING都係一樣既，
而且國際版用直把比大陸版既曲把更有型， 但為何Made in china竟比台彎貴！？ 心中納悶非常。又咁唔好彩Dahon又回收有問題單車的PARTIES，經過一輪努力終於知道它們有何分別。 首先介紹如何分別它。
大陸版車身印有Archer(國際版印Speed)，和車後通印有China Domestic Product)，
而國際版係有泥擋，但大陸版則沒有泥擋.其他所用既PARTIES基本上是一樣的。
它們最大分別係車架的質量， 大陸版的車架質量確係比國際版好一點，回想早幾日那部
P8和我的，唯一係車架上的分別， 由車架扣同車架， 感覺上大陸版真係扎實很多， 所以
當日我買呢部車時單車鋪員工對我講呢部好料的，如果其他色（未再箱）的料無咁好，所
以我選了那部單車（都唔知好彩定唔好彩）， 原來他所指既好料的係指車架既用料！

如果我的理解無錯， 如果又想改車， 我諗都應該買大陸版好的，因為點改都唔會改個車架。

本人推介改什麽好。
1） Break, 用7仔啦， 安全係單車最重要既野， 其次才是速度。 呢隻Break比原裝好得多，到位得多。
2） 中空餅， 改用中空餅後部車會輕成鎊有多， 其次會順好多。經我研究過中空心同傳統心既分別，
又要找回放抵廿幾年當年讀理工學院機械工程系既野，如果要計算佢地既分別就要用到微積分比較複習，
簡單的講中空既FRICTION比傳統心細得多，如果要傳統心要做到相同的就十分因難了。當FRICTION
越低，能量既LOSS越小，所以部車越“好去／順了” 既輕又順， 即行相同佢距離就會用小的既力（能量）。
3）腳踏， 輕的及咬腳的既踏會對踏單車有幫助。
4）換幼TYRE（在安全的角度，其實唔應該換）， 幼TYRE同地面既FRICTION比粗既細得多結果就是慳力左。
但換幼也有唔好的地方，
    a）CONTROL 差左
    b) 起步無咁快
    c) 煞車慢了
    d) 易爆因為幼肰打既鎊數高得多。
    e) 避震能力低左

後記：還有點解換完中空餅部車會順左？就是“City Hunter經典對白”當工廠大量生产時，基本上每部車會有小小唔同，

好難會幫你SET到最好，但一位有經驗（有心機）的師父都會幫你較返啱的SETTING，例如BB心落幾多雪油（如果用靚雪油就更好），

腳波位等等。

 剛係網上有人講， 回收有問題既頭柱
＞＞需要更換頭柱0既師兄,可否POST頭柱JOINT位0既相睇吓,
＞＞係有2粒6角鑼絲,定係有白色膠果隻?
＞我朋友 check 到要回收o個部 SP8 o既頭柱
＞係有白色膠o個隻~

在下幸運地是2粒6角鑼絲版本。 希望無事啦。 會再CONFIRM 的。