一個人失意時無所事事就會諗返以前的日子，後悔沒有做好好讀書， 33元沒有訓身買941， 無啦啦走去結婚生女， 仲要二名。搞到現到欠債八百萬。 仲要無得申請破产！ 無所事事唯有上YOUTUBE 。不經意下睇返當年的鹹蛋超人。 (閱讀全文)
無啦啦出左去表演俾班公公婆婆睇， 估到到竟然係最受歡迎即表演。 成班人係咁追住的小朋友，連落左台都掛住睇， 冷落左的台上表演者。 當中最受既一定。。。。唔係小女， 當然係細細粒， 估唔到佢人仔細細又跳得幾好。 今次最開心就係教跳舞老師， 由最初無乜生意， 無啦啦行運得到4大小天后跟佢學，不停幫佢攞奬出名。 到現時可以加價唔愁做。 幸好在下大女係台柱之一。 細女有大女幫手，仲有免費加操。所以有時真係講運既， 見佢由最初無乜學生（唔知點解我老婆決定二個女改跟佢學跳舞）到現在。。。。當然呢次只有比較出色既學生表現， 每次細女都好好彩扶車邊又有得跟姐姐一齊表演。
(116569.jpg )
六月一日無啦啦炒車， 呢次意外真係好奇怪， 總之一個字講曬－“邪”， 幸好跌時做到曬保護自己的動作動， 總算小傷無乜事。去到大圍同的單車友講起， 他們好多人都炒過，我算小事了。單車鋪老細仲講，最危險係的女租車黨，佢地好鬼易炒大鑊，炒到最出名係毀容彎了，有一女性炒到無左半邊面。現在差不多好返曬，但應成了老婆不能再踏得太快了，始終年紀大唔及的後生仔了。 本應故事講完。。。
(116554.jpg ) 諗返都覺得好痛，好痛。
在下都唔敢肯定， 但2個月前層經去過某地方求問過。 結果還是未知， 還是繼續等！等了又等, 差不多等到發毛了。 再講返上年既乩文2008年頭上年既就講的人身家會小一半。今歲太星壓頂，人口亦會有損失。。。 香港亦受災連（金融海嘯定四川地震呢?)咁今年既乩文又點講呢
(閱讀全文)
昨日剛飲完屋企最後一支紅酒， 如無意外也是在下最後買既一支紅酒了。 始終和紅酒的緣份不深， 大大話話都飲左二三十支紅酒， 始終都無上癮，飲又得唔飲又無乜大問題。 反正無野做， 慳的錢唔再買紅酒飲。 告別了紅酒，現在有多餘的閒錢另可花在單車上都不會再花在紅酒之上。 所以如無意外昨天就是在下最後買既一支紅酒了。 紅酒們永別了！
(116230.jpg )
早上不停落大雨時無野玩，忽發奇想， 因為我部P8係曲把，如果曲把由正常向上改為向前， 不知可否當半隻鵝頸用呢？見晚上無乜雨，偷雞係馬鞍山走左一轉當調教一下部車。 (閱讀全文)
星期一大女開始發燒同咳， 當然即時帶佢睇醫生， 老婆走去最貴又多人個間睇，本人覺得那醫生其實麻麻， 用既藥又大路又普通。 之後無耐仲喉嚨痛，唯有走去藥房買的喉糖啦， 食左退燒藥咪退左一陣， 過左藥力又再燒過。 一路都係咁。老婆大人話要再去睇多次， 我堅持不用， 反正感冒一定要自己打，感冒藥只減輕佢病況， 俾多一天時間啦， 無老婆鬧左一次交。 最後同意俾多一日時間。星期三晚上我唔俾退燒藥佢食，只吃其他藥，由得她發燒，整晚幫佢用冰袋降溫。保持唔燒得太高， 一晚後， 終於自己退燒了，而我就成晚無訓過。 大女終於開始好轉。 當然今次我又啱左但CEO繼續口硬， 又話點點點， 相對於我慳反錢又用到自己學過的醫學知識（多謝檀島舊同事）， 就好開心了。昨晚終於訓返一覺好， 足足訓了十二小時多。 下星期大女可以返學啦！
(0)
